ပေါက်ကရတင်သူများအတွက်ကျွန်တော်၏စိတ်ထား

ပေါက်ကရတွေတင်တဲ့အတွက်

မွေးနေ့တိုင်း ၀က်ခြံပေါက်ပါစေ

ပရင့်ထုတ်တိုင်း စာရွက်ခေါက်ပါစေ

ပိုက်ဆံအမ်းတိုင်း အကြွေစုတ်နဲ့ ညားပါစေ

အလကားနေရင်း ဖုန်းဘက်ထရီ အကုန်မြန်ပါစေ

စာရိုက်တိုင်း မဆေ့ဖ်ခင် ရီစတက်ကျပါစေ

ခြေအိတ်လျှော်တိုင်း တစ်ဖက်ပျောက်ပါစေ

သွားလေရာ ထွက်ဖစ် ဂျမ်းပါစေ

ရေသန့်ဘူး အသစ်ဖောက်သောက်တိုင်း 

အဖုံးလွတ်ကျပါစေ

လိုင်းပေါ်တက်တိုင်း အဝိုင်းလည်ပါစေ

တက်စီငှားတိုင်း ရပ်ကွက်ထဲမ၀င်ပေးဘဲ 

လမ်းထိပ်မှာ ရပ်ပါစေ

အိမ်သာတက်တိုင်း 

အားပြင်းတဲ့ ရေပိုက်ခေါင်းနဲ့ ကြုံပါစေ

Uniball ၀ယ်တိုင်း

မင်မကုန်ခင် ဘောသီးကြွေပါစေ

မုန့်ဟင်းခါးစားတိုင်း 

ဟင်းရည်အဆစ်မပေးတဲ့ဆိုင်နဲ့ ကြုံပါစေ

၀က်သားတုတ်ထိုးဆိုင်ထိုင်တိုင်း

လျှာကုန်နေပါစေ

ဖိနပ်အသစ်စီးတဲ့နေ့တိုင်း

မိုးရွာဗွက်ထပါစေ

ဖေ့စ်ဘုတ်မှာ ဂရုပုံ 

သူများတင်တိုင်း ကိုယ်ရုပ်ဆိုးတဲ့ပုံ ဖြစ်ပါစေ

အပြင်ထွက်တိုင်း အိမ်ထဲမှာ သော့ကျန်ပါစေ

အခန်းထဲမှာ 

အီးခိုးပေါက်တိုင်း အကျယ်ကြီးဖြစ်ပါစေ

ကြေးအိုးစားတိုင်း ဆံပင်မွေးပါပါစေ

အိတ်စပရက်စီးတိုင်း ပေါကားဖွင့်ပါစေ

ဘဏ်သွားတိုင်း အရွက်လျော့ပါစေ

တန်းစီတိုင်း ကိုယ်စီမိတဲ့လိုင်း နှေးပါစေ

ပူတဲ့ညတိုင်း အဲကွန်းဖွင့်ဖို့

မီးအားမပြည့်ပါစေ

လက်ဖက်ရည်ဆိုင်ထိုင်တိုင်း

စားပွဲထိုး ခေါ်မရပါစေ

ရပ်ကွက်ထဲမှာ အလှူခံ မဏ္ဍပ်ဆောက်တိုင်း

လော်စပီကာ ကိုယ့်အိမ်ဖက်လှည့်ပါစေ

သီချင်းနားထောင်တိုင်း အခွေထစ်ပါစေ

အိပ်ရာ၀င်တိုင်း ခြင်တစ်ကောင် ဝီပါစေ

နှိုးစက်မြည်တိုင်း အိပ်ကောင်းပါစေ

တရေးနိုး ရှူးရှူးထပေါက်တိုင်း

ခြေသန်းလေးနဲ့ ခလုတ်တိုက်ပါစေ

အိမ်မှာနားနေတိုင်း အလှူခံတံခါးခေါက်ပါစေ

ထမင်းစားတိုင်း သွားကြားညှပ်ပါစေ

မိုးရွာတိုင်း ထီးလန်ပါစေ

အာလူးကြော်၀ယ်စားတိုင်း 

ဆီချေးစော် နံပါစေ

ဓာတ်ပုံရိုက်တိုင်း မျက်လုံးမှိတ်ပါစေ